Isang kaibigan ko sa simbahan. Pinilit niya kasi akong mag blog--sa multiply pa to noon.

Siguro nung 2nd year sa college. May "creative writing" kasi akong klase 'nun, pero noon pa talaga mahilig na ako sa mga pagsusulat ng essays, yun nga lang kasi noon tuwing may essay portion lang sa exams.

Kahihiyan, minsan kasi may panahon talagang may kung anong ideya na lang na papasok sa isip ko tapos hindi ko mapipigilan bumulong at makipag diskusyon sa sarili ko kaya mas minabuting kong isulat na lang at ilagay sa tumblr. Para kahit papaano hindi ko lang sinasarili yung mga naiisip ko.(?)

Noon naman kasi wikang Ingles ang gamit ko, pero di nagtagal ginamit ko yung Tagalog kasi mas napansin ko na mas naisusulat/nailalabas/naipapakita ko yung mga nararamdaman ko kapag ito ang ginagamit ko.

Hindi. Marami pa din naman ang nagsusulat gamit ang sariling wika. May mga kilala at mga kaibigan akong ito din ang ginagamit, at hindi sila matatanda at uugod-ugod na, ang iba pa nga sa kanila ay mas bata pa sa'kin.

Mga essays(?), personal na opinyon sa mga bagay bagay, at minsan mga gawa-gawang tula. Kahit anong maisipan kong gawin at ilagay dun.

Kathang makata kasi... Noong "purongkalokohan" pa yung url na ginagamit ko may mga ilan-ilan na kaibigan at followers na nagsasabi na hindi daw bagay yung URL na gamit ko dahil hindi naman daw kalokohan ang laman ng blog ko, at na makata daw ako.

Katha (likhang) makata.

Yung iba base talaga sa mga karanasan ko, habang yung iba naman napupulot ko na lang sa tabi tabi--maririnig, makikita, mababasa.

Para sa akin, pantay pantay lang lahat ng naisulat ko. Lahat sila parang "okay" pa lang, kasi aminado naman din ako na may mas magaling pa sa akin at nagsisimula pa lang naman ako. 

Oo, pero hindi gaanong madalas. Paminsan minsan lang kasi mas gusto ko manuod ng mga movies.

Lokal/local, siguro si Lourd De Veyra pagdating dun sa mga blogs niya na nabasa ko. Nakakatawa kasi pero at the same time may sense din. [Sa] international, Si J.K. Rowling... Kasi masasabi ko na din sigurong inabangan ko talaga ang kabuuang kwento ng Harry Potter, at nakakamangha lang talaga yung panibagong mundong ginawa niya sa isipan ng marami.

Labels: blog, blog of the week, fiery monday, writing